- (+34) 981 552 480
- Av. de Fernando de Casas Novoa, Edificio CNL Portal A - Bajo - 15707 Santiago de Compostela
- info@ppdegalicia.com
22
Feb
O Grupo Popular apoia que a Xunta abra un proceso de diálogo co ocio nocturno para impulsar un protocolo de prevención e intervención fronte ás agresións sexuais
22 de febreiro de 2023. O Grupo Popular apoiou hoxe a aprobación polo Pleno do Parlamento galego dunha proposición non de lei a través da que se pide á Xunta que abra un proceso de diálogo con representantes do ocio nocturno, no marco do Observatorio galego da violencia de xénero, para impulsar a elaboración, aprobación e aplicación dun protocolo de prevención e intervencións fronte ás agresións sexuais. Este protocolo deberá incluír, entre outras, actuacións en todos os ámbitos, incluídos o sanitario e o policial, así como formación e información específica dirixida ao persoal dos establecementos.
22
Feb
O Parlamento galego pide que a Xunta continúe aplicando medidas para a recolección, produción e xestión da mexilla en coordinación con bateeiros e percebeiros
22 de febreiro de 2023. O Pleno do Parlamento de Galicia aprobou hoxe, cos votos en contra de BNG e PSdeG, a proposición non de lei do Grupo Popular a través da que se pide que a Xunta dea continuidade á aplicación das medidas propostas, para a recolección, produción e xestión da mexilla, especialmente daquelas dirixidas á disposición de áreas con presenza deste produto e da análise das causas que poden afectar á súa fixación e existencias.
22
Feb
O Parlamento galego pide a creación dun Plan galego fronte ás condutas aditivas
22 de febreiro de 2023. O Pleno do Parlamento de Galicia aprobou hoxe a proposición non de lei do Grupo Popular, que non contou co apoio do BNG, a través da que se pide á Xunta a elaboración neste ano 2023 dun Plan galego fronte ás condutas aditivas.
21
Feb
O Grupo Popular solicita que o Goberno central transfira a Galicia todos os fondos que lle corresponden en materia de vivenda
21 de febreiro de 2023. A deputada do Grupo Popular Begoña Freire demandou hoxe no Pleno do Parlamento galego que o Goberno de España transfira todos os fondos que, en materia de vivenda, pertencen lexitimamente á Comunidade galega, “porque son dos galegos e das galegas; porque o Goberno de Pedro Sánchez non os sabe xestionar e non podemos perder esa oportunidade de dispoñer de todos os recursos de Europa; e porque queremos asegurarnos de que non se fan adxudicacións directas a outras comunidades autónomas ou cidades por parte do Ministerio, retraendo fondos que corresponderían a Galicia”.
21
Feb
O Grupo Popular considera que “será necesario un cambio de goberno en Viveiro para que a alcaldesa deixe de bloquear a variante”
21 de febreiro de 2023. O portavoz de Infraestruturas do Grupo Popular, José Manuel Balseiro, afirmou hoxe no Pleno do Parlamento de Galicia que “será necesario un cambio de goberno en Viveiro para que a alcaldesa deixe de bloquear a variante e a Xunta poida construíla”.
21
Feb
O Grupo Popular asegura que a sanidade galega garante a práctica da interrupción voluntaria do embarazo ata as 22 semanas nun centro público
21 de febreiro de 2023. A deputada do Grupo Popular Marta Rodríguez-Vispo asegurou hoxe no Pleno do Parlamento que a sanidade galega “garante a práctica de interrupción voluntaria do embarazo ata as 22 semanas de xestación nun centro público dentro da área sanitaria da muller” e criticou que os socialistas galegos “pretendan que esta actuación se poida levar a cabo en espazos como residencias da terceira idade ou que se neguen subvencións públicas ás asociacións que axudan ás mulleres embarazadas sen recursos”.
