Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Santiago, 14 de abril de 2016.- O presidente do PPdeG, Alberto Núñez Feijóo, celebrou hoxe a sentenza do Tribunal de Xustiza da Unión Europea que avala o tax lease español fronte ao recurso presentado por Holanda contra este sistema de financiamento na construción de buques, e considerou que, grazas a esta decisión, “hoxe o sector naval ten máis seguridade xurídica e ten máis despexado o seu futuro”.

O mandatario galego asegurou que a sentenza feita pública hoxe polo alto tribunal da UE “pon fin aos recursos” e, polo tanto, “traslada que o sistema de tax lease español é conforme á lexislación europea”. Isto supón, engadiu, que todos os contratos, tanto para os estaleiros como para os armadores, son agora contratos seguros que “están blindados” por esta decisión xudicial que esgota a vía xurisdiccional no ámbito europeo, dixo.

Segundo recoñeceu, este preito cos estaleiros holandeses “causou danos moi difíciles ao sector naval durante 24 meses” como consecuencia desta denuncia de Holanda e da decisión do Comisario da Competencia.

Por todo iso, Feijóo quixo felicitar ao sector por esta “boa nova” e por “ir unidos” xunto coa Administración pública, a Avogacía do Estado e as comunidades autónomas.


APROBADO EN COMISIÓN O DITAME DO PROXECTO DE LEI DO PATRIMONIO CULTURAL, PASO PREVIO PARA O SEU DEBATE DEFINITIVO EN PLENO



·    Baamonde cualificou de “traballo positivo” o debate en ponencia, que deu como resultado a aceptación de 66 emendas dos grupos da oposición, así como outras 16 transaccionadas


Santiago, 14 de abril de 2016.- A Comisión 4ª do Parlamento galego aprobou hoxe o ditame do proxecto de Lei do patrimonio cultural de Galicia, co que o texto lexislativo queda en disposición da súa aprobación definitiva en sesión plenaria. O portavoz de Cultura, Agustín Baamonde, subliñou que a nova lei “da resposta ás necesidades actuais do patrimonio cultural”, simplificando a normativa existente, mellorando a xestión dos bens culturais e asegurando a súa protección”.



Agustín Baamonde valorou como “traballo positivo” a tramitación deste proxecto de lei na ponencia, que deu como resultado a aceptación de 66 emendas dos grupos da oposición(17 do Grupo Mixto, 12 de AGE, 27 do BNG e 10 do PSOE) e outras 16 transaccionadas.



UNIFICA TRES LEIS



“O novo texto lexislativo simplifica a regulación legal sobre patrimonio cultural que existe na actualidade, xa que unifica as leis de patrimonio cultural de 1995, a de protección dos Camiños de Santiago de 1996 e a de traballos de dotación artística nas obras públicas e nos Camiños de Santiago de 1991”, explicou Baamonde.



Ademais, apuntou que a nova norma “persegue catro obxectivos: unha mellor colaboración entre as administracións, na busca cunha maior implicación dos concellos na salvagarda do patrimonio cultural; a incorporación de novos patrimonios como o inmaterial, o subacuático, o industrial e o científico; o establecemento dun réxime sancionador máis axeitado; e a simplificación da xestión administrativa do patrimonio cultural e a garantía da súa protección”.



MELLORA DA XESTIÓN



O portavoz popular tamén fixo referencia á mellora da xestión dos bens cultural que permitirá esta nova lei, procedendo á ordenación dos instrumentos que os regulan e simplificando as categorías de bens en dúas: bens de interese cultural e bens catalogados. “Asegúrase a protección protección integral, estrutural e ambiental dos bens culturais, delimitándose os tipos de intervención”, engadiu.



Baamonde apuntou que a nova Lei do Patrimonio Cultural facilita a regulación dos Camiños de Santiago, incorpora o Camiño de Inverno e abre a posibilidade de declarar BIC unha ruta se o solicitan a maioría dos concellos polos que transcurre.

O presidente do Goberno galego, Alberto Núñez Feijóo, avanzou hoxe no Pleno que cumprir co déficit permitirá seguir apostando polo talento innovador, con 200 novos contratos para mozos galegos investigadores, e investir 120 millóns de euros para dotar Galicia de máis e mellores infraestruturas educativas públicas.



En resposta ás preguntas dos grupos parlamentarios, Feijóo precisou que no Consello da Xunta de mañá xoves, se aprobará unha achega de “120 millóns para facer –dixo- máis colexios e para mellorar os institutos, os centros de educación primaria e a formación profesional”. E subliñou tamén que o Goberno seguirá apostando polo talento galego a través de 200 novos contratos de mozos no ámbito da innovación, do desenvolvemento e da investigación neste mes de abril.

Ao longo da súa intervención, o titular da Xunta garantiu o compromiso do Goberno galego coa Educación lembrando que na Comunidade hai máis profesores por alumno que no resto de España; as universidades son as máis asequibles do país; e Galicia conta con máis prazas de formación profesional que cando comezou a crise económica. “E para reter o talento aprobamos unha Lei de universidades e de innovación, unha Lei de emprendento, seguiremos co Programa Oportunius e presentamos á Unión Europea a Estratexia de especialización intelixente, dotada con 1.600 millóns de euros e que estamos a desenvolver”, abundou.

Feijóo precisou que esta aposta pola Educación está a permitir que Galicia estea mellorando os seus datos académicos, “con menos abandono escolar ca nunca”.

Durante a súa intervención, o responsable da Administración autonómica afirmou que cumprir o déficit permitirá a Galicia contar con 400 millóns de euros das liquidacións do ano 2014. “Por iso, señorías, recortes en Galicia: cero. Pero si 400 millóns de euros máis no ano 2016 e 85 millóns de euros máis no 2015”, sentenciou.

Ademais de cumprir o obxectivo de déficit, Feijóo salientou que Galicia é a comunidade que máis investiu en proporción ao seu presuposto no ano 2015; e a que máis investiu por habitante, por riba do País Vasco. E, nesta liña, aseverou que se en vez de cumprir, Galicia incorrese no déficit da media das comunidades, hoxe teríamos 3.000 millóns de euros máis de débeda. O que significaría 85 millóns de euros máis de intereses ao ano. É dicir, 85 millóns de euros menos para Sanidade, para Educación e para os servizos públicos”. “Non só cumprimos o déficit senón que investimos máis, facemos máis servizos públicos e ademais baixamos os impostos”, sentenciou.

Por último, Feijóo afirmou que o Goberno galego está a traballar tamén para solucionar “desde as responsabilidades estatutarias, constitucionais e laborais que ten un goberno” a fenda salarial de xénero. E, sobre este punto destacou a implicación da Xunta para que os axentes sociais, as empresas e as organizacións sindicais asinen un acordo marco interprofesional no ámbito autonómico para atallar a fenda salarial de xénero.
13. abril. 2016.-  La Comisión de Fomento del nuevo Congreso surgido tras el 20 D ha aprobado hoy, con la única oposición de En Marea-Podemos, una iniciativa del Grupo Parlamentario Popular en la que se ratifica el compromiso de la Cámara Baja con la “necesidad de continuar impulsando las actuaciones necesarias para que se haga realidad el proyecto de autovía A-76 entre Ourense y Ponferrada”.

En la votación, la iniciativa obtuvo el respaldo de los 31 diputados de PP, PSOE y Ciudadanos, se abstuvieron 4 (ERC, DL, Compromís y PNV) y votaron en contra los 8 diputados de En Marea-Podemos.

La iniciativa fue impulsada conjuntamente por los diputados populares de las provincias de Ourense, Lugo y León, Miguel Ángel Viso y Celso Delgado,  Joaquín García y Jaime de Olano y Eduardo Fernández y María del Carmen González Guinda, y fue defendida por el ourensano Celso Delgado, que recordó que esta vía, con una longitud total de 125 kilómetros y que tiene un presupuesto estimado de 1.110 millones de €, es prioritaria para la vertebración de los territorios. Según dijo, “el proyecto de la autovía A-76 entre Ourense y Ponferrada es de gran importancia para la mejora de las comunicaciones entre Castilla-León y Galicia, siendo hoy la primera prioridad avanzar en el tramo entre Valdeorras y El Bierzo”.

Esta nueva vía de alta capacidad supondrá un importante avance desde el punto de vista funcional en las condiciones existentes de comunicación en el corredor de la carretera nacional N-120, y mejorará tanto las distancias del recorrido, como los tiempos de desplazamiento y las condiciones de comodidad y seguridad para los usuarios de la vía y su entorno.

Delgado subrayó que, en la pasada X Legislatura, la A-76 fue considerada una infraestructura estratégica por el Ministerio de Fomento, dirigido por Ana Pastor, y recordó que, por ello, fue incluida por el Gobierno en el Plan de Infraestructuras, Transporte y Vivienda (PITVI 2012-2024) recibiendo un fuerte impulso.

En su intervención, el diputado popular recordó los tres subtramos principales de la citada autovía: el Ponferrada - O Barco de Valdeorras, O Barco de Valdeorras-Monforte de Lemos y el Monforte de Lemos-Ourense, y destacó que en el primero de ellos ya hay dos tramos, el Villamartín de la Abadía-Requejo y el A Veiga de Cascallá-O Barco, con proyecto en redacción desde finales del 2014 y que el otro, Requejo-A Veiga de Cascallá, tiene licitada la redacción del proyecto desde el 2 de abril del presente mes.

El primero de los tramos en redacción, Villamartín de la Abadía-Requejo, tiene 7,6 km y un presupuesto de 35,26 millones, y se espera que esté finalizada su redacción este año, igual que la del tramo A Veiga de Cascallá-O Barco, con 8,4 km de longitud y un presupuesto de 26,35 millones. El tramo Requejo-A Veiga de Cascallá, de 10,7 km, tiene un presupuesto de 223 millones y será adjudicada la redacción del proyecto en los próximos meses.

Delgado puso en valor todo lo avanzado para impulsar esta infraestructura desde el Ministerio de Fomento y aseguró que para el segundo de los subtramos, O Barco de Valdeorras – Monforte de Lemos, los PGE-2016 contemplan ya la licitación del proyecto de la variante de Monforte de Lemos. Según dijo, “se trata de un compromiso muy importante, ya que es el tramo con más tráficos porque es donde conectan la A-76 con la A-72 (Monforte de Lemos –Chantada).
Finalmente, Delgado explicó que en el tramo Monforte de Lemos-Ourense, el último de los tres previstos, atendiendo reclamaciones presentadas al trazado seleccionado en el estudio informativo, el Ministerio de Fomento, coordinado con la Xunta de Galicia, procederá a realizar un nuevo estudio del trazado y a someterlo de nuevo a información pública para hacerlo compatible con la declaración (en tramitación) de la Ribeira Sacra como Bien de Interés Cultural.

Al término de la Comisión, Celso Delgado criticó la posición expresada por la diputada Alexandra Fernández, de En Marea-Podemos, que se opuso frontalmente a esta autovía argumentando “que no estaba justificada por intensidad de tráfico” y asegurando que “bastaría con mejorar la carretera N-120”. Delgado calificó de inaceptables estas afirmaciones por cuanto la actual carretera nacional está claramente superada por el actual tráfico y provoca molestias y retrasos en los desplazamientos. 


En Marea-Podemos también afirmó que esta carretera provocaría despoblación, desestructuración social y económica y no favorecería a las áreas intermedias, así como que no supondría ningún ahorro en tiempos de desplazamiento. El diputado popular Celso Delgado, entiende que estos argumentos también son falaces, puesto que lo que hará esta autovía será dar más accesibilidad a todas las poblaciones de las comarcas que atraviesa favoreciendo el asentamiento poblacional y la actividad económica.

Alexandra Fernández pidió expresamente “la paralización de todo lo adjudicado y en fase de licitación”. A juicio de Delgado, esta petición, afortunadamente sólo secundada por ellos mismos, va en contra de los intereses generales de todos los ourensanos, lucenses y bercianos, que han expresado en multitud de ocasiones por medio de sus alcaldes y representantes políticos su apoyo decidido a esta autovía, al igual que lo han solicitado con reiteración empresarios, trabajadores, transportistas y un largo etc.


O PARLAMENTO GALEGO APROBA A INICIATIVA DO PPDEG PARA QUE A XUNTA ESTENDA O PROGRAMA DE CRIBADO DO CANCRO DE COLON A TODAS AS ÁREAS SANITARIAS DE GALICIA



·    “A tendencia epidemiolóxica do cancro colorrectal amosa que seguirá a ser un tumor de gran impacto na poboación, cun aumento do número de casos fronte a unha diminución da mortalidade e un aumento da supervivencia a cinco anos”, dixo



·    O programa galego de cribado do cancro colorrectal iniciouse en 2013 en Ferrol e recentemente estendeuse a Ourense



Santiago, 13 de abril de 2016.- O Parlamento de Galicia aprobou hoxe, co único voto favorable do Grupo Popular, a proposición non de lei a través da que se insta á Xunta a estender de xeito progresivo o programa galego de cribado de cancro colorrectal a todas as estruturas de xestión integrada do Servizo Galego de Saúde. O portavoz popular de Sanidade, Aurelio Núñez Centeno, afirmou que estes programas de cribado “poden contribuír a reducir nunha terceira parte a mortalidade por esta enfermidade”.



Núñez Centeno explicou que o cancro colorrectal é o tumor maligno de maior incidencia en España, con cifras que oscilan entre os 28.500 e os 33.800 casos novos por ano, o que representa entre o 10 e o 15 por cento de todos os tumores. “A tendencia epidemiolóxica do cancro colorrectal ven a amosar que seguirá a ser un tumor de gran impacto na poboación española e galega, cun aumento do número total de casos fronte a unha diminución da mortalidade e a un aumento da supervivencia a cinco anos”, apuntou.



O portavoz de Sanidade lembrou que a Xunta de Galicia puxo en marcha en 2013 o programa galego de cribado do cancro de colon na área de xestión integrada de Ferrol. “Desde entón, teñen participado neste programa máis de 25.000 persoas, a porcentaxe máis alta das comunidades autónomas nas que se están a desenvolver este tipo de cribados, entre as que se detectaron 106 carcinomas”, sinalou.



Nos últimos meses, o programa estendeuse á área sanitaria de Ourense, onde se teñen realizado máis de 8.700 test coa presenza de lesións en 214 persoas.



PREVENCIÓN PRIMARIA E SECUNDARIA



Aurelio Núñez salientou “a importancia da prevención primaria, con medidas educativas, informativas e actuacións para modificar hábitos de risco; pero tamén a prevención secundaria, con estratexias de cribado co obxectivo de identificar individuos asintomáticos con lesións precancerosas ou nunha fase inicial da progresión tumoral”.



Así mesmo, Núñez Centeno afirmou que o custo medio do diagnóstico e o tratamento do cancro colerrectal é elevado, superando os 27.000 euros por paciente sen contabilizar nesta cantidade os fármacos biolóxicos usados nos pacientes con enfermidade avanzada.

Este programa deberá contar cun itinerario de inserción, formación para o emprego e actuacións de apoio á conciliación


O PARLAMENTO DEMANDA Á XUNTA, A INICIATIVA DO GRUPO POPULAR, ELABORAR UN PROGRAMA DE INSERCIÓN LABORAL PARA MULLERES VÍTIMAS DE VIOLENCIA DE XÉNERO


·    A portavoz de Igualdade, Rosa Oubiña, salientou a importancia da “inserción laboral das mulleres que teñen sufrido violencia machista, que lles permita iniciar unha nova vida independente, libre de violencia e lonxe do ámbito do seu agresor”



Santiago, 13 de abril de 2016.- O Parlamento de Galicia aprobou hoxe a proposición non de lei do Grupo Popular a través da que se solicita á Xunta a elaboración dun programa de inserción laboral para mulleres vítimas de violencia de xénero que conte cun itinerario de inserción, formación para o emprego e actuacións de apoio á conciliación. “Esta medida complementará todas as que se veñen poñendo en marcha desde a aprobación da Lei galega de violencia de xénero en 2007, que permitiron crear un sistema de atención ás vítimas moito máis integral e moito máis completo do que tiñamos”, apuntou a portavoz de Igualdade, Rosa Oubiña.



Na súa intervención, Oubiña salientou a importancia da “inserción laboral das mulleres que teñan sufrido violencia machista, que lles permita iniciar unha nova vida independente, libre de violencia e lonxe do ámbito do agresor”. Neste sentido, lembrou que a Xunta “xa da prioridade ás vítimas en todas as súas convocatorias de axuda tanto para a formación como para a contratación de mulleres desempregadas”, aínda que avogou por “dar un novo impulso ás políticas de inserción laboral destas mulleres vítimas de violencia a través da colaboración co tecido asociativo e pola atención especializada, con itinerarios específicos e adaptados.



En concreto, apuntou que a Xunta de Galicia “conta cunha partida económica por importe de 975.000 euros para os anos 2016 e 2017 que ten como obxectivo seguir incrementando as medidas para as vítimas de violencia co fin de acadar a súa integración laboral”.



A portavoz popular explicou que a proposición non de lei aprobada hoxe polo Pleno solicita a creación dun programa de inserción laboral para as mulleres vítimas de violencia, “subvencionando as  entidades sen  ánimo de lucro que  desenvolven  a  súa  labor  na  axuda,  recuperación e  acompañamento as vítimas”.



“Este programa deberá integrar a creación dun itinerario de inserción laboral, que inclúa un diagnóstico competencial e deseño dun plan personalizado; orientación profesional e asesoramento laboral para o emprego; unha busca activa de emprego, con acompañamento e seguimento tanto na busca como no posto de traballo; intermediación laboral e contacto con empresas; seguimento da inserción laboral e avaliación do traballo realizado; e todo aquilo que permita incrementar e mellorar a empregabilidade das vítimas de violencia de xénero”, indicou Rosa Oubiña.



Ademais, a iniciativa demanda medidas de formación para o emprego, incluíndo accións formativas para adquirir competencias clave, formación en coaching e formación social; e actuacións de apoio á conciliación, poñendo a disposición das vítimas todos os servizos de atención persoal e familiar que faciliten a participación destas mulleres naquelas accións comprendidas no seu itinerario de inserción socio-laboral ou de formación.


O PPDEG DEMANDA Á OPOSICIÓN QUE NON FAGA UN USO PARTIDISTA ROMPENDO O CONSENSO CO QUE SE APROBOU A LEI POLA IGUALDADE DE TRATO E NON DISCRIMINACIÓN DAS PERSOAS LGTBI



·    A deputada popular subliñou que, desde a aprobación desta lei en 2014, os distintos departamentos da Xunta traballan na súa aplicación, polo que moitas das demandas do PSOE xa se están desenvolvendo”



Santiago, 12 de abril de 2016.- A deputada do  Grupo Popular Marta Rodríguez-Vispo demandou aos grupos da oposición “non facer un uso partidista rompendo o consenso” co que se aprobou a Lei pola igualdade de trato e non discriminación de lesbianas, gais, transexuais, bisexuais e intersexuais (LGTBI), porque “irá en detrimento deste colectivo”. Neste sentido, reiterou que desde o Partido Popular “consideramos inadmisible a desigualdade de trato ou discriminación de calquera galego ou galega por razón de sexo ou orientación sexual”.



Rodríguez-Vispo lembrou que “Galicia foi a primeira comunidade autónoma que contou cunha Lei específica para as persoas LGTBI, que veu cubrir o baleiro existente neste tema”. “Desde a súa entrada en vigor, os distintos departamentos da Xunta traballan na súa aplicación, polo que moitas das demandas presentes na moción do Grupo Socialista xa se están desenvolvendo”, afirmou.



En concreto, a deputada popular sinalou que o conselleiro de  Educación xa anunciou a posta en marcha dun protocolo de identidade de xénero e se traballa na formación do profesorado e do propio alumnado para divulgar a realidade das persoas LGTBI. No ámbito sanitario, garántese a atención sanitaria segundo a necesidade e o criterio clínico das prácticas e para as terapias relacionadas coa transexualidade, estanse a administrar as terapias hormonais nas unidades de endocrinoloxía e xa está incorporado no plan de formación do SERGAS e da Consellería de Sanidade.



A deputada popular avogou por continuar desenvolvendo a lei pola igualdade de trato e a non discriminación do colectivo LGTBI a través de axudas para asociacións que desenvolven actividades dirixidas a estas persoas; a inclusión no I Plan Galego de educación para a igualdade creando unha sección específica da abordaxe da educación desde a diversidade; e adecuando os documentos administrativos relativos a este colectivo, como no caso da tarxeta sanitaria namentres non se teña procedido á rectificación da súa identidade de xénero no Rexistro Civil.


O GRUPO POPULAR CRITICA QUE O PSOE REXEITE UN ACORDO CONXUNTO PARA A PROMOCIÓN DAS FUSIÓNS VOLUNTARIAS DE CONCELLOS GALEGOS



·    O deputado Jacobo Moreira rexeitou que a fusión “parta dunha imposición”, polo que avogou por “deixar a iniciativa aos concellos no exercicio da súa autonomía local”



·    No caso de Cerdedo e Cotobade, apuntou que terán ingresos adicionais de 1,5 millóns de euros nunha lexislatura, ademais dun menor custo burocrático e aforros na contratación conxunta de servizos e subministros



Santiago, 12 de abril de 2016.- O deputado do Grupo Popular, Jacobo Moreira, criticou hoxe que o Grupo Socialista rexeitara hoxe no Parlamento un acordo conxunto a través do que se insta á coordinación entre a Xunta de Galicia e ás Deputacións Provinciais galegas para a promoción dos procesos de fusión voluntaria de concellos galegos, así como a promover a sinatura de convenios coas universidades galegas para a emisión de informes e estudos técnicos que faciliten unha mellor valoración da conveniencia e viabilidade dos municipios interesados en fusionarse.


Jacobo Moreira rexeitou que o proceso de fusión dos concellos “parta dunha imposición”, polo que avogou por “deixar a iniciativa aos concellos no exercicio da súa autonomía local, incentivando a aqueles que decidan dar o paso de fusionarse”. “A dispensa de prestación de novos servizos mínimos obrigatorios; a preferencia á hora de optar a subvencións e convenios durante os cinco anos posteriores á fusión; e o acceso como beneficiario ao fondo especial para fusións creado pola Xunta, dotado este ano de 2,2 millóns de euros, son algúns dos exemplos dos beneficios que as fusións representan para os veciños dos concellos fusionados”, concretou.



No caso concreto de Cotobade e Cerdedo, o deputado popular salientou que “esta fusión permitiralle ter ingresos adicionais que alcanzan os 1,5 millóns de euros nunha lexislatura, ademais dun menor custo burocrático ao contar cunha única corporación municipal e os aforros que suporá a contratación conxunta de servizos e subministros”. Así mesmo, engadiu que o futuro concello fusionado verá incrementado o coeficiente de ponderación para calcular a participación nos ingresos do Estado.



O PSOE SEGUE SEN DEFINIRSE



Moreira lamentou que o Partido Socialista “siga sen definir se están a favor ou en contra das fusións”. Neste sentido, recordou que “o mesmo día que cualificaron de fantochada de Feijóo a fusión de Cotobade e Cerdedo, o PSOE asinaba con Ciudadanos un acordo polo que se comprometían a fomentar a racionalización das entidades locais, promovendo as fusións voluntarias”.



O deputado popular tamén criticou que “a postura da Deputación de Pontevedra contribúe a xerar dúbidas sobre o criterio do PSOE, logo de que a súa Presidenta siga sen recibir aos alcaldes de Cotobade e de Cerdedo para expoñerlle o seu acordo de fusión, pero si ten tempo para recibir a unha plataforma constituída para opoñerse á fusión”. “A Presidenta dicía que tería abertas as portas da Deputación, pero estes alcaldes recibiron un portazo”, indicou.

Santiago de Compostela, 11 de abril de 2016.- O líder dos populares galegos, Alberto Núñez Feijóo, asegurou que hoxe se comeza a deseñar o partido do ano 2020. Así se expresaba o dirixente na presentación formal da súa candidatura para optar á presidencia do PPdeG, que tivo lugar esta tarde coa entrega das firmas requiridas ao presidente da Comisión Organizadora do XVI Congreso autonómico, Miguel Tellado. 

O presidente manifestou que quere que a súa candidatura sexa útil ao partido e á Galicia destes tempos xa que, segundo dixo, hai que volver empezar dende o principio para presentar un proxecto útil, cun partido máis aberto, actitudes novas e con humildade.

E é que Feijóo lembrou que a Galicia do ano 2006 e a do 2012 non era a mesma de agora e, en consecuencia, “toca facer unha proposta nova para un proxecto novo”.

Así mesmo, salientou que o feito nos últimos anos foi útil para a nosa comunidade xa que hoxe a economía comeza  a crecer, o paro empeza a diminuír, os servizos públicos son máis potentes e, neste  2016, produciuse unha baixada dos impostos.

“Galicia ten máis futuro que hai sete anos” aseveraba ao tempo que declaraba que, se a nosa comunidade é quen de manter o seu autogoberno,  pode ser unha das mellores autonomías do país. Deste xeito, o mandatario destacou a importancia de conseguir unha maioría suficiente para gobernar e, por iso, pediu aos galegos unha “confianza excepcional” que permita ter un goberno cun proxecto estable para poder executarse.

O presidente subliñou tamén que o resto de partidos só deixan gobernar aos populares cando non teñen máis remedio que aceptar “a incontestable decisión dos electores a través dunha maioría absoluta”, admitindo que ese resultado  sería algo excepcional posto que non se da en ningunha comunidade autónoma. 

Consciente do importante de ter un partido forte, Feijóo tamén anunciou que o traballo de cara ao Congreso autonómico acaba de empezar e que, a partir de agora, manterá encontros con afiliados e simpatizantes nas distintas comarcas galegas, arrincando a súa campaña interna esta mesma tarde en Lugo.


PUY CONTRAPÓN A CAPACIDADE DE INCREMENTAR O GASTO SOCIAL EN GALICIA FRONTE A OUTRAS COMUNIDADES CON ACORDOS DE NON DISPOSICIÓN DE GASTO E OBRIGADAS A CONTROLAR O DÉFICIT



·    Puxo de manifesto a “fonda contradición” existente nas Mareas e AGE entre a súa demanda de industrialización para Galicia e a oposición a proxectos como o polo industrial de avións non tripulados en Rozas, a ampliación de Citroën, o desenvolvemento da gasificación ou a construción de corbetas para Arabia Saudí



·    O Grupo Popular defenderá no Pleno a extensión do programa de detección precoz do cancro de colon a toda Galicia e a posta en marcha dun programa de inserción laboral para mulleres vítimas de violencia de xénero



Santiago, 11 de abril de 2016.- O portavoz do Grupo Popular, Pedro Puy, contrapuxo hoxe a capacidade de incrementar o gasto social en Galicia fronte a outras comunidades autónomas que deberán facer acordos de non disposición de gasto e nas que os ingresos extra do financiamento autonómico terán que dedicarse ao control do déficit.



Puy referiuse á comparecencia do conselleiro de Facenda mañá no Pleno para informar do peche do exercicio de 2015 e o cumprimento do obxectivo de estabilidade orzamentaria e salientou que “as últimas novas económicas que estamos recibindo contradín o discurso catastrofista e agoreiro da oposición”.


En concreto, o portavoz popular lembrou “os datos de crecemento da economía galega, que nos sitúan no 3,2 por cento; os razoables datos da evolución do emprego, ao reducir 41.000 desempregados e sumar 32.000 ocupados en 2015; e o cumprimento do obxectivo de déficit, que nos sitúa nunha boa posición de cara ao exercicio de 2016”.



“É un  síntoma da boa saúde e do bo resultado que deu a contención do gasto e tamén evidencia o feito de que Galicia mantén unha autonomía financeira da que outras comunidades autónomas comezan a carecer”, manifestou o portavoz popular. Neste sentido, lembrou que “tanto Europa como o Ministerio de Facenda están urxindo a outras comunidades a facer acordos de non disposición de gasto, fronte a Galicia que vai dispor de máis recursos e poderá gastar máis, fundamentalmente en políticas sociais”.



CONTRADICIÓN DAS MAREAS E AGE



Así mesmo, Pedro Puy salientou que no Pleno de mañá comparecerá o conselleiro de Economía e Industria para informar do desenvolvemento do polo tecnolóxico e industrial galego de avións non tripulados no aeródromo lugués de Rozas.



O portavoz popular criticou que este investimento “estea a ser cuestionado por algún grupo político, nomeadamente polas Mareas ou AGE” e manifestou que “empezamos a pensar que existe unha fonda contradición entre a súa demanda de industrialización de Galicia para superar a crise e a oposición constante a calquera proxecto industrial que se estea a formular, como este polo tecnolóxico de avións non tripulados”.



Puy explicou que “algo semellante ocorreu cando se opuxeron á norma específica para permitir a ampliación da factoría de Citroën en Vigo; vémolo cando falamos do desenvolvemento da gasificación en Galicia; e, finalmente, comprobamos como despois de dicir que non se facía nada polo sector naval e opoñerse á diversificación dos estaleiros públicos coa eólica mariña, agora tamén se opoñen a que se constrúan corbetas para Arabia Saudí”.



Por este motivo, Pedro Puy considerou “moi conveniente a comparecencia do conselleiro de Economía e Industria sobre o proxecto de avións non tripulados no aeródromo de Rozas, que é bo para o país e para Galicia, ademais da súa influencia no equilibrio territorial entre o interior e o eixo atlántico”.


PROPOSICIÓNS DO GRUPO POPULAR



Pedro Puy informou, ademais, que o Grupo Popular defenderá na sesión plenaria desta semana dúas proposicións non de lei. A primeira delas ten como obxectivo estender a toda  Galicia o programa de detección precoz do cancro de colon, que está a dar bos resultados nas áreas de xestión de Ferrol e Ourense.



En segundo lugar, o Grupo Popular solicitará á Xunta a posta en marcha dun programa de inserción laboral para mulleres vítimas de violencia de xénero, no que se inclúa tanto un tanto un itinerario de inserción, como formación para o emprego ou actuacións de apoio á conciliación.

Páxina 10 de 22

Síguenos nas redes sociais