Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Pedro Puy afirma que apoiar os orzamentos é dar un "si ao crecemento,ao emprego e o progreso do noso país"

16 Xan 2017

Santiago, 16 de xaneiro de 2017.- O portavoz do Grupo Popular, Pedro Puy, afirmou hoxe que apoiar os orzamentos da Xunta para 2017 supón dar un “si ao crecemento, ao emprego e progreso do noso país, fronte a unhas emendas da oposición que supoñen paralizar Galicia e volver a uns orzamentos irreais”.

Puy asegurou que se trata “duns orzamentos axeitados, expansivos, baseados nun mellor comportamento dos sectores que integran a produción”. En concreto, salientou que incrementan o investimento, favorecen as exportacións e impulsan a demanda interna, “nunha economía galega que xa supera a recesión económica pero que aínda ten por diante moitos retos que superar”, apuntou.

 

MÁIS EMPREGO E CAPACIDADE DE GASTO

 

Ademais, dixo que “permiten continuar mellorando os datos de emprego” e puxo como referencia a última enquisa de poboación activa na que Galicia incrementa en 29.800 o número de traballadores a xornada completa e se reducen en 5.900 os empregos a tempo parcial. “O 86,9 por cento dos traballadores en Galicia traballan a tempo completo, fronte ao 85,44 de media en España”, explicou.

 

Na súa intervención no Pleno de debate de totalidade dos orzamentos para 2017, o portavoz popular salientou que as contas incrementan en 600 millóns de euros a capacidade de gasto da Xunta nos últimos dous anos, reducindo a débeda e baixando os impostos. A tarifa do imposto sobre a renda “é hoxe máis progresiva que en 2011, porque se reducen os impostos para as rendas máis baixas, practicamente se elimina o imposto de sucesións e se incrementa o imposto do patrimonio”, indicou.

 

ALTERNATIVA POUCO ATRACTIVA

 

Pedro Puy asegurou que aprobar as emendas presentadas polos grupos da oposición conlevaría “paralizar Galicia, perder capacidade de gasto e crear máis incerteza para os operadores económicos”.

 

Ademais, o portavoz popular cualificou a alternativa que defenden os grupos da oposición como “pouco atractiva”, xa que defenden “volver ao 2009, cun orzamento inflado para incorrer en déficit e poñer en perigo a sostenibilidade dos servizos públicos”.

 

Síguenos nas redes sociais