Santiago, 13 de marzo de 2019.- O Parlamento de Galicia aprobou hoxe a proposición non de lei do Grupo Popular a través da que se solicita ao Goberno do Estado que articule un concurso de méritos na Policía Nacional que permita cubrir vacantes na Unidade de Policía Adscrita (UPA) para incrementar canto menos ata 475 os seus efectivos, de xeito que esta Unidade poida cumprir coas funcións que actualmente está prestando.
Santiago, 13 de marzo de 2019.- O Parlamento de Galicia aprobou hoxe a proposición non de lei do Grupo Popular a través da que se demanda ao Concello de Vigo que retorne ao consenso acadado en 2016 entre os concellos e o Goberno galego que permitiu a modificación da Lei da Área Metropolitana de Vigo e a súa aprobación por unanimidade no Parlamento de Galicia, ao tempo que cumpra o convenio asinado en materia de transporte metropolitano, garantindo as mesmas tarefas para tódalas persoa usuarias, con independencia do seu lugar de procedencia.
Santiago, 13 de marzo de 2019.- O portavoz de Sanidade do Grupo Popular, Aurelio Núñez Centeno, afirmou hoxe no Parlamento que “primeiro hai que rematar de deseñar o plan de mellora da atención primaria, que xa incorpora 175 medidas e que está aberto a novas aportacións por parte dos profesionais, para despois axustar os orzamentos ás necesidades reais”.
Santiago, 12 de marzo de 2019.-  O Parlamento de Galicia aprobou hoxe, logo dunha transacción entre o Grupo Popular e o Grupo Socialista, unha moción a través da que se insta á Xunta a implementar e impulsar melloras nos centros de información á muller (CIM), de xeito que se garanta un servizo integral e de calidade, e se facilite a accesibilidade a estes centros a todas as mulleres, independentemente da súa localización no territorio.
Santiago, 12 de marzo de 2019.- A deputada do Grupo Popular Raquel Arias avogou hoxe no  Parlamento pola “autorregulación dos medios de comunicación no tratamento da imaxe da muller e a violencia de xénero”.
Santiago, 12 de marzo de 2019.- O deputado do Grupo Popular Alberto Pazos asegurou hoxe que a proposición de lei do BNG de memoria histórica democrática de Galicia é “un novo intento de fomentar a crispación social, como instrumento para obter réditos electorais mediante a demonización dos que non comparten os prantexamentos políticos dun grupo que goza de escaso apoio do pobo galego”.
Santiago, 11 de marzo de 2019.- O portavoz do Grupo Popular, Pedro Puy, considerou hoxe no Parlamento que “non é serio nin respectuoso, tanto para os traballadores como co conxunto dos cidadáns galegos”, que o Presidente do Goberno do Estado anunciara onte en A Coruña que “o problema de Alcoa xa estaba resolto, cando hoxe mesmo se vai celebrar unha nova xuntanza da mesa de seguimento do borrador do estatuto dos consumidores electrointensivos”.
Santiago, 10 de marzo de 2019.- O deputado do Grupo Popular, Gonzalo Trenor, cualificou hoxe de “indignante que o Presidente do Goberno socialista, Pedro Sánchez, veña a A Coruña a mentir e mofarse dos traballadores de Alcoa, dos coruñeses e de todos os galegos afirmando que o seu Goberno deu unha solución para o mantemento desta factoría, cando a realidade é que en nove meses foi incapaz de atopar unha solución e nin tan sequera presentou un borrador do estatuto para os consumidores electrointensivos”.
10, marzo, 2019.  O secretario xeral dos populares galegos, Miguel Tellado, lamentou este domingo que “Pedro Sánchez só se acordou de Galicia para vir pedir o voto”. “Hoxe vén á nosa Comunidade como candidato do PSOE á presidencia do Goberno, porque en oito meses como presidente non apareceu por aquí”, destacou nunha entrevista concedida a RNE.

Síguenos nas redes sociais