Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Santiago de Compostela, 29 de febreiro de 2016.- O voceiro do PPdeG, Miguel Tellado, desexou sorte á nova voceira nacional do BNG, Ana Pontón, elixida onte para liderar a formación nacionalista. O dirixente popular cre que o nacionalismo é unha realidade minguante en Galicia pero que, mentres haxa persoas que manifesten ese sentimento, é necesario que as súas ideas estean representadas por un partido forte e coherente.   Tellado considera que Pontón ten ante si o reto non de ser a nova voceira do Bloque, senón de non pasar á historia por ser a última persoa en ocupar ese posto no BNG. Por iso, invitou aos nacionalistas a recuperar a súa identidade como partido; aquela que lles levou a ser a segunda forza política de Galicia.   Ademais, lembroulles que cando decidiron facer seguidismo do PSOE –principalmente con Zapatero en Madrid e nos tempos previos ao bipartito en Galicia- foron fagocitados polos socialistas; e cando optaron por imitar a AGE, dende 2012, os seus apoios mudaron e foron a parar ás Mareas tanto nas municipais como nas xerais de 2015.   O voceiro dos populares pide a Pontón que recupere a autenticidade dos plantexamentos do BNG que, si ben non…
Arteixo, 28 de febreiro de 2016.- O presidente dos populares galegos, Alberto Núñez Feijóo, instou á militancia a “alzar a voz” por España e polo Partido Popular, unha formación que, segundo afirmou, “non se vai dar por vencida e moito menos despois de gañar”.  Con respecto a isto, apuntou que hai partidos que pese a “presumir de coherencia” deixan tras de si un largo regueiro de incoherencias. Con respecto a Pedro Sánchez lembrou frases súas como a de que “nunca pactarei co populismo” e “Albert Rivera é de dereitas”, pese a “rogarlle” agora a ambos que o “aúpen á Moncloa”. No tocante a Rivera lembrou a súa afirmación de que “o PSOE terá que absterse para que goberne a lista máis votada”, aínda que agora lle pide ao PP, primeira forza, que sexa a que se abstén. Así, segundo indicou, nas últimas semanas, estamos a ver, ademais da “falta de coherencia, falta de escrúpulos”, pois moitos pensábamos que PSOE e Podemos, e sobre todo Ciudadanos “se diferenciaban en moitas cousas, pero son o mesmo: a arrogancia e a ambición partidista”. Ao fío do cal aseverou que os españois “non queremos máis enganos, non queremos teatros e non queremos imposicións, así…
Santiago de Compostela, 26 de febreiro de 2016.- O voceiro dos populares galegos, Miguel Tellado, presentou esta mañá o lema común dos vindeiros cinco congresos que celebrará nos próximos meses o PPdeG: “As persoas no centro”. Así, o portavoz recordou que este foi tamén o título da ponencia política que os populares presentaron o pasado mes de outubro e que respondía á necesidade renovar equipos, actitudes e políticas. Deste xeito, puxo de manifesto que a elección do mesmo lema é unha maneira de trasladar á cidadanía que os congresos están dentro dese mesmo proceso, que consideran que debe ser o eixo da súa forma de facer política. Tellado explicou que, no caso dos congresos provincias, esta frase principal irá acompañada dun sublema que elixirá cada unha das provincias  “deixando claro que no PPdeG, de abaixo a arriba, compartimos os mesmos obxectivos”. O voceiro salientou que están a cumprir o mandato cidadán de renovación cun proceso sen precedentes que viven con total naturalidade e a madurez democrática do partido sólido e estable ao que pertencen.  Segundo sinalou, os congresos -que se celebrarán o día 5 de marzo en Ourense, o 6 en Lugo, o 12 en A Coruña e o 13…
O voceiro destaca o compromiso do presidente dos populares galegos, que non esqueceu aos que aínda sofren dificultades Tellado pon en valor a importancia da estabilidade que salientou Feijóo no seu discurso de Fin de Ano Indica que non é xusto xogar coas esperanzas dos cidadáns nin facerlles crer que os problemas se poden arranxar por arte de maxia, como dan a entender outros partidos Sinala que chegou o momento de empezar a aplicar medidas que melloran a situación dos galegos que tanto fixeron por volver á senda do crecemento que Galicia recuperou Santiago de Compostela, 31 de decembro de 2015.- O voceiro do PPdeG, Miguel Tellado, puxo en valor a importancia da estabilidade do país á que se referiu o presidente dos populares galegos, Alberto Núñez Feijóo, no seu discurso de Fin de Ano. Na mesma liña que o líder do Partido Popular de Galicia, Tellado recordou que grazas á estabilidade que proporcionou a responsable xestión do Goberno dos populares agora hai seguridade tanto para os que aquí vivimos como para os que deciden investir no noso país. O voceiro tamén quixo destacar o compromiso que amosou o presidente do PPdeG ao non esquecerse no seu discurso daquelas persoas…
De cara ao futuro, destacou a tramitación do Plan Estratéxico da Xunta, que permitirá avaliar o gasto orzamentario en función dos obxectivos conseguidos  PEDRO PUY CUALIFICA O ANO PARLAMENTARIO DE “ESPECIALMENTE PRODUTIVO E CON PROFUNDAS TRANSFORMACIÓNS INSTITUCIONAIS E DE MELLORA DAS GARANTÍAS E DEREITOS PARA OS CIDADÁNS” • O portavoz popular referiuse tamén ás renovacións dos membros do Consello de Contas; a elección da nova Valedora do Pobo e un adxunto ao Valedor; os tres tres senadores en representación da Comunidade galega; e os seis novos membros do Consello de Administración da nova CRTVG Santiago, 28 de decembro de 2015.- O portavoz do Grupo Popular, Pedro Puy, cualificou hoxe de “ano especialmente produtivo e con profundas transformacións institucionais e de mellora das garantías e os dereitos para os cidadáns” o traballo parlamentario desenvolvido ao longo de 2015, no que se aprobaron 15 novas leis. De cara ao futuro, Puy destacou a tramitación do Plan Estratéxico da Xunta, que permitirá avaliar o gasto orzamentario en función dos obxectivos conseguidos, e doutros proxectos lexislativos, como as novas leis do Solo ou de Patrimonio Cultural. A curto prazo, Pedro Puy avanzou que esta semana rematará a actividade parlamentaria do ano coa celebración de…
O PARLAMENTO APROBA A LEI DE MEDIDAS FISCAIS E ADMINISTRATIVAS, QUE RECOLLE AS REBAIXAS FISCAIS NO IRPF, SUCESIÓNS E TRANSMISIÓNS PATRIMONIAIS QUE OS GALEGOS GOZARÁN A PARTIR DE XANEIRO Santiago, 23 de decembro de 2015.- O Parlamento de Galicia aprobou hoxe a Lei de medidas fiscais e administrativas que acompaña aos orzamentos da Xunta para 2016 e que fundamentalmente recollen as rebaixas tributarias que os galegos gozarán a partir do mes de xaneiro: rebaixa progresiva do imposto sobre a renda, supresión do imposto de transmisións patrimoniais no rural galego e exención do imposto de sucesións ao 99 por cento dos galegos. Pedro Puy manifestou que “o máis importante desta Lei de medidas son as medidas fiscais, que teñen consecuencias expansivas para afianzar o crecemento do emprego e da economía galega, e unha clara compoñente redistributiva e con marcado carácter social”. PROGRESIVIDADE NOS IMPOSTOS En concreto, sinalou que con estas modificacións fiscais os galegos gozarán dun “IRPF máis progresivo, un imposto do patrimonio máis progresivo, un imposto de sucesións máis progresivo, porque se lle baixa aos que menos renda ganan, aos que teñen herdanzas de menor contía e aos que posúen patrimonios máis cativos”. “En definitiva, nos situamos nun círculo virtuoso…
Contou co voto favorable dos grupos popular e socialista, xunto coa abstención do resto dos grupos parlamentarios O PARLAMENTO APROBA A LEI DE TRANSPARENCIA E BO GOBERNO, PIONEIRA EN ESPAÑA NO ACCESO DOS CIDADÁNS Á INFORMACIÓN DAS ADMINISTRACIÓNS E DOS ALTOS CARGOS ·    Ademais das sete emendas do PP, o texto definitivo incorpora máis do 60% das emendas do PSOE, case a metade das do BNG, máis dun 20% do Grupo Mixto e un 12% de AGE Santiago, 23 de decembro de 2015.- O Parlamento de Galicia aprobou hoxe, co voto favorable do Grupo Popular e do PSOE, e a abstención do resto dos grupos parlamentarios, a Lei de transparencia e bo goberno, que sitúa a Galicia nunha posición pioneira a nivel nacional no referente ao acceso dos cidadáns á información sobre o que se fai nas administracións públicas e o patrimonio e actividade dos altos cargos. A portavoz de Administracións Públicas, Paula Prado, salientou “o consenso” conseguido nesta lei, que “foi mudada con aportacións e coa xenerosidade de todos os grupos”. Paula Prado explicou que as sete emendas do Grupo Popular incorporadas ao proxecto de lei “contribuíron a ampliar o abano de documentos que teñen que facerse públicos cunha…
PEDRO PUY AFIRMA QUE OS PRESUPOSTOS PARA 2016 SON OS AXEITADOS PARA CONSEGUIR UNHA SOCIEDADE QUE CREZA ECONOMICAMENTE,  MÁIS XUSTA E QUE PROVEA DE BENS PÚBLICOS” ·    “Son expansivos de verdade, porque non só se incrementa o gasto público en máis de 360 millóns de euros, senón que ademais os cidadáns van ter máis recursos cos que consumir e investir”, explicou ·    Asegurou que os orzamentos reflicten unha situación política de estabilidade, dun goberno solidario, que permite traer as contas e aprobalas no seu momento e son as que lle conveñen  á economía galega” Santiago, 22 de decembro de 2015.- O portavoz do Grupo Popular, Pedro Puy, afirmou hoxe no debate para a aprobación dos orzamentos da Xunta para 2016 que estas contas “expansivas, que alixeiran a carga fiscal aos cidadáns, que soben notablemente o gasto social e reducen o endebedamento da Comunidade autónoma, son as axeitadas como expresión da vontade política para conseguir unha sociedade que creza economicamente, que sexa máis xusta e que provea de bens públicos a todos os galegos”. Puy subliñou que se trata dos “primeiros orzamentos expansivos desde a crise”. “Son expansivos de verdade, porque non só se incrementa o gasto público en máis de…
PUY SALIENTA A APROBACIÓN ESTA SEMANA EN PLENO DE CUESTIÓNS FUNDAMENTAIS NO ÁMBITO ECONÓMICO E DE REXENERACIÓN E IMPULSO DEMOCRÁTICO, COMO OS ORZAMENTOS DA XUNTA E A LEI DE TRANSPARENCIA ·    Cualificou a Lei de transparencia como unha das “máis relevantes da lexislatura e moi ambiciosa, incluída no plan de impulso democrático anunciado por Feijóo a comezos de ano” Santiago, 21 de decembro de 2015.- O portavoz do Grupo Popular, Pedro Puy, salientou hoxe que os tres plenos que se celebran mañá e o mércores permitirán aprobar dúas cuestións fundamentais no ámbito da política económica e de rexeneración e impulso democrático”, como son os orzamentos da Xunta para 2016 e a nova Lei de transparencia e bo goberno de Galicia. Puy explicou que a primeira das sesións plenarias desenvolverase ao longo de toda a xornada de mañá e permitirá debater a aprobar definitivamente os orzamentos da Xunta para 2016. Respecto das contas públicas, apuntou que “supoñen un xiro importante dado o seu carácter expansivo ao subir o gasto público, fundamentalmente o gasto social, e o investimento, e ao mesmo tempo introducir, a través da Lei de medidas fiscais e administrativas que se aprobará no Pleno ordinario do mercores, unha serie…

Síguenos nas redes sociais