Xullo 2017

Xullo 2017 (32)

Santiago, 31 de xullo de 2017.- O portavoz do Grupo Popular, Pedro Puy, salientou hoxe “a importancia da estabilidade política de Galicia”, que permitirá a aprobación mañá no Parlamento do teito de gasto para a elaboración dos orzamentos de 2018.

O líder do PPdeG, Alberto Núñez Feijóo presidiu este sábado a Xunta Directiva na que tanto o partido como o Goberno demostraron que “fixeron os deberes”, e reivindicou que seguirá cumprindo os seus compromisos, como nos primeiros nove meses de lexislatura.  Así, Feijóo subliñou que  “ningún galego pode negar que hai un Goberno que goberna e un Goberno que cumpre a súa palabra” e garantiu que “dentro dun ano Galicia estará mellor do que está hoxe”.

Santiago, 27 de xullo de 2017.- O portavoz do Grupo Popular, Pedro Puy, e o deputado e conselleiro de Economía, Emprego e Industria, Francisco Conde, presentaron esta mañá a proposición de Lei de Fomento da implantación de iniciativas empresariais en Galicia. “Queremos que os empresarios vexan unha Administración galega moderna e que da respostas para que ningún proxecto se quede no caixón por dificultades na súa tramitación, porque Galicia ten capacidade para atraer novos investimentos e competir cos países low cost”, manifestou Conde.

Santiago, 23 de xullo de 2017.- A portavoz de Emigración do Grupo Parlamentario Popular, Raquel Arias, amosou esta mañá en Monforte a súa preocupación pola “degradación” da situación política e social que se está a producir en Venezuela e lamentou que a violencia e a violación dos dereitos humanos “sexa habitual” nun país co que “Galicia mantén un forte vínculo”.

Santiago, 28 de xullo de 2017.- O portavoz do Grupo Popular, Pedro Puy, asegurou hoxe na Deputación Permanente que nin a Lei de inclusión social, nin o traspaso da AP-9 nin o transporte público “son problemas sobrevidos” como para convocar un Pleno extraordinario e lembrou que dous deles aínda foron tratados na última sesión plenaria celebrada hai dúas semanas.

O secretario xeral do PPdeG, Miguel Tellado, destacou a celebración “integradora” do Día de Galicia que defende o Partido Popular de Galicia fronte aos “nacionalismos secesionistas e populistas”.

Vilalba, 21 de xullo 2017.- O secretario xeral dos PPdeG, Miguel Tellado, participou este venres na ofrenda floral que, con motivo da celebración do Día de Galicia, os populares realizaron ante o busto de Manuel Fraga Iribarne en Vilalba, a localidade natal do fundador do partido. Neste acto, Tellado estivo acompañado da presidenta provincial do partido en Lugo, Elena Candia; o portavoz no Parlamento galego, Pedro Puy; o presidente nacional de Nuevas Generaciones, Diego Gago; e o alcalde da vila, Agustín Baamonde.

Santiago, 19 de xullo 2017.- O secretario xeral dos populares galegos, Miguel Tellado, avanzou que, este venres 21 de xullo, o PPdeG celebrará o Día de Galicia realizando unha ofrenda floral na localidade de Vilalba ante o busto do fundador do partido, Manuel Fraga Iribarne, situado na súa vila natal. Neste acto Tellado tamén estará acompañado polo presidente de Nuevas Generaciones, Diego Gago, a presidenta provincial, Elena Candia, e o portavoz parlamentario do PPdeG, Pedro Puy.

Santiago, 17 de xullo de 2017.- O portavoz do Grupo Popular, Pedro Puy, asegurou hoxe que “botarlle a culpa ao Presidente da Xunta da non transferencia da AP-9 a Galicia é non entender a dinámica de traspasos neste momento en España nin as relacións que existen entre un goberno autonómico e o traspaso de competencias”. Neste sentido, indicou que “o lóxico sería manter a unidade de accións que pediu o Presidente da Xunta para este proxecto” e lamentou que as declaracións que están a realizar os grupos da oposición “non axudan” para conseguir o traspaso da AP-9.

Santiago, 17 de xullo de 2017.- O portavoz do Grupo Popular, Pedro Puy, fixo esta mañá un balance da actividade parlamentaria durante este primeiro período de sesións da X lexislatura e salientou que o Parlamento galego é “unha Cámara aberta ás iniciativas de impulso e control da oposición, que se demostra en que o 80 por cento das iniciativas debatidas nos 22 plenos celebrados foron a proposta dos grupos da oposición”. Ademais, destacou que os membros do Goberno “teñen comparecido unha media de 2,5 veces cada día”

Páxina 1 de 3

Síguenos nas redes sociais