Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

O Grupo Popular incide que o Sergas “esixirá aos novos propietarios de Povisa o mantemento da calidade asistencial e dos postos de traballo”

10 Out 2019

Santiago, 10 de outubro de 2019.- O portavoz de Sanidade do Grupo Popular, Aurelio Núñez Centeno, incidiu hoxe no Parlamento que o Servizo Galego de Saúde “esixirá aos novos propietarios do Hospital Povisa de Vigo o mantemento da calidade asistencial e dos postos de traballo neste centro sanitario”.

 

Núñez Centeno afirmou que “cremos na complementariedade público-privada na sanidade contemplada nas leis, estando de acordo coa Consellería na súa esixencia de mantemento da calidade asistencial e dos postos de traballo, así como no cumprimento do actual concerto”.

 

OBXECTIVOS DE CALIDADE E EMPREGO

 

Neste sentido, lembrou que o concerto asinado polo Sergas con responsables de Povisa “fixaba obxectivos de calidade en relación co cumprimento da lista de espera, que teñen mellorado de xeito evidente, na calidade de prestación farmacéutica e outras variables”.

 

En concreto, lembrou que “o pasado 2018 asinouse unha modificación de determinadas estipulacións do concerto para atopar solucións na atención sanitaria da cidadanía, así como para o mantemento do emprego das 1.500 persoas que traballan en Povisa”

Síguenos nas redes sociais