Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Pedro Puy asegura que “Galicia fixo un bo exercicio do autogoberno durante a vixencia da Constitución”

03 Dec 2018
Santiago, 3 de decembro de 2018.- O portavoz do Grupo Popular, Pedro Puy, asegurou hoxe no Parlamento que “Galicia fixo un bo exercicio do autogoberno durante a vixencia da actual Constitución, con absoluta lealdade das normas constitucionais, e como resultado temos unha sociedade máis integrada”.
 
 

 

No transcurso dunha intervención na xornada Galicia, o longo camiño cara ao autogoberno, organizada polo Parlamento con motivo do 40 aniversario da Constitución, Puy lembrou que a norma básica “foi un edificio institucional moi bo, pero como en todas as obras sempre queda algo por perfeccionar que se pode ir resolvendo a través das reformas constitucionais”.
 

 

 

ESTABILIDADE POLÍTICA
 
 

 

Neste sentido, salientou a “estabilidade política” que trouxo a Constitución Española de 1978, logo de que “se chegara a un acordo sobre os dereitos e liberdades dos cidadáns, unha división de poderes para controlar o seu exercicio polas distintas partes; e outorgando funcións e competencias aos distintos órganos constitucionais”.
 
 


O portavoz popular incidiu, ademais, no incremento do gasto social rexistrado nos últimos 40 anos, chegando a representar máis do 60 por cento e duplicando a porcentaxe que existía en 1975”.

Síguenos nas redes sociais