Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Feijóo pide ao PP de Ferrol ser un punto de encontro e reivindica a maioría absoluta como o ambicioso obxectivo de José Manuel Rey

27 Nov 2018

27, novembro, 2018. O presidente dos populares galegos, Alberto Núñez Feijóo, pediu esta tarde ao PP de Ferrol ser un punto de encontro nesta cidade, ao tempo que reivindicaba que a maioría absoluta é o reto e o “ambicioso obxectivo” de José Manuel Rey.

 

Así se expresaba na súa intervención no Comité Executivo dos populares ferroláns, onde subliñaba a importancia de ser ambiciosos pola cidade, algo que Rey ten demostrado antepoñendo esta urbe a calquera outra cousa, sendo consciente de que o que máis importa aos cidadáns é que Ferrol volva ter goberno y ser gobernable.

 

A seis meses das vindeiras Eleccións Municipais, Feijóo indicou que o partido xa está en marcha posto que os comicios non se gañan nunha campaña senón ao longo de catro años. “O que non se fixo durante tres anos e medio pódese, como moito, maquillar en seis meses pero a ausencia de traballo durante ese tempo xa non se pode remediar”, dixo explicando que por iso é normal notar tanto nerviosismo nos adversarios políticos do PP.

 

Pola contra, destacou a confianza que se percibe entre os populares, que levan tres anos e medio traballando, continúan facéndoo cada día e teñen traballo planificado para o próximos seis meses. Nese senso, o líder do PPdeG animounos a continuar facendo ese labor coa mesma intensidade e a mesma ilusión.

 

 “Anímovos a que sigades estando na rúa, en contacto cos veciños; a que sigades traballando en equipo; a que este partido siga sendo algo máis que un partido máis nesta cidade e que este sexa o punto de encontro de todos os ferroláns que queren a Ferrol”, insistiu o presidente.

 

Por todo isto, Feijóo pediu culminar nestes seis meses a traxectoria dos últimos anos, incidindo en que o 26 de maio non é un final senón un novo comezo necesario para o municipio. “En ningún lugar está escrito que Ferrol estea condenado á inestabilidade e a parálise e o futuro -diferente- pódeno escribir os ferroláns nas urnas”, manifestou.

 

ILUSIÓN, GANAS E PROXECTO

Así mesmo, Alberto Núñez Feijóo tamén salientou a ilusión e as ganas dos populares de Ferrol sen esquecer o proxecto que propoñen para a cidade, xa que é o que esta urbe precisa e nestes momentos carece dun, como acreditou o actual goberno en todo este tempo.

 

Segundo admitiu, o Partido Popular de Ferrol posúe un proxecto baseado en crer nas posibilidades da cidade, en saber distinguir as prioridades, en escoitar aos veciños, en ter un equipo cohesionado para levalo a cabo e nunha xestión acreditada como a do candidato, José Manuel Rey.

Síguenos nas redes sociais