Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Tellado cre que Ferrolterra vai ser clave na recuperación da Deputación da Coruña nas vindeiras municipais

18 Nov 2018

18, novembro, 2018.O secretario xeral do PPdeG, Miguel Tellado, participou este domingo nunha comida con aproximadamente un cento de afiliados e simpatizantes do partido, na que estivo apoiando ao candidato popular á Alcaldía da localidade, Andrés Pérez; e na que manifestou que Ferrolterra será clave para que os populares poidan recuperar a Deputación da Coruña nas municipais de maio de 2019. “Conseguimos conformar candidaturas ilusionantes, lideradas por persoas con experiencia e ganas de darlle un novo impulso aos concellos da nosas comarcas”, sinalou o ferrolán.

 

Na súa intervención, o número dous dos populares galegos criticou a xestión dos poucos meses levan os socialistas no Goberno, especialmente notable con estas comarcas. Así, argumentou que o desleixo de Pedro Sánchez con Ferrolterra pode observarse en cuestións como a retirada dos fondos destinados ao Plan Ferrol, 47,5 millóns de euros que deixara orzamentado o Goberno de Mariano Rajoy neste ano para a dinamización do tecido industrial da zona.

 

No mesmo sentido, Tellado lembrou que tamén é o Executivo de Sánchez o que ten paralizada a construción das fragatas F-110, que xerarán 7.000 empregos en Ferrolterra, garantindo a carga de traballo e da actividade empresarial do estaleiro para a próxima década, ao tempo que se aposta pola diversificación da súa produción coa súa volta á construción civil e a través de novos eidos como a eólica mariña. “Non podemos permitir que se poña en perigo a actividade de Navantia Ferrol, que está a xerar máis de 15.000 empregos na comarca e nos últimos anos deu importantes pasos con proxectos por máis de 1.350 millóns de euros”, recalcou.

 

O secretario xeral volveu poñer enriba da mesa a ameaza de peche a curto prazo das centrais térmicas das Pontes e Cerceda por parte de diferentes membros do Goberno central. Sobre este punto, lamentou a “imprudencia” dos socialistas, xa que entende que con esta decisión provocarán un aumento do prezo da enerxía, que afectará tanto aos consumidores como á industria. Ademais, insistiu en que un hipotético peche sería “fatal” para Ferrolterra, xa que afectaría ao emprego e á actividade do porto de Ferrol.

 

Do mesmo xeito, lembrou que as Mareas de Podemos chegaron á vida política galega “prometendo mudalo todo e o único que lograron en tres anos foi traer problemas alí onde había concellos que funcionaban”.

 

“UN MODELO DE CRECEMENTO”

En contraposición aos socialistas, Tellado reivindicou o modelo dos populares galegos como un proxecto “centrado na creación de emprego, no crecemento económico e no rigor na xestión das contas públicas”. Neste senso, presentou á súa formación como “o partido dos impostos baixos e da recuperación”.

 

Así, animou aos presentes a volcarse nos vindeiros meses de campaña electoral para “transmitir paixón e darlle a aqueles veciños que están desexando volver a apoiar ao PP bos motivos para facelo e que non queden na casa”.

Síguenos nas redes sociais