Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Paula Prado demanda ao Concello de Teo que aproben un novo PXOM para impedir definitivamente a instalación de plantas de residuos

27 Set 2018
Santiago, 27 de setembro de 2018.- A viceportavoz do Grupo Popular, Paula Prado, manifestou hoxe no Parlamento que “os representantes das Mareas de Podemos e do PSOE no goberno municipal de Teo teñen nas súas mans a posibilidade de impedir definitivamente a instalación de calquera planta de residuos neste concello aprobando o plan xeral de ordenación municipal”, e lamentou que “desde que o alcalde e a concelleira de Urbanismo anunciaron a súa revisión en febreiro de 2016, levamos tres anos perdidos porque non fixeron nada”.
 
 

 

Paula Prado demandou a socialistas e En Marea que “non xeren falsas expectativas aos veciños afirmando que a modificación da Lei do solo ou do plan de xestión de residuos industriais de Galicia van impedir a instalación a planta de residuos en Casalonga, porque o proxecto presentado tanto no Concello de Teo como na Xunta rexeríase pola lexislación vixente e non se podería aplicar retroactivamente a nova lei”.
 
 

 

“Os responsables municipais de En Marea e PSOE teñen na súa man pechar a porta de entrada a Teo de calquera planta de residuos: aprobando o plan xeral que prohiba esas actividades ou tamén promovendo unha modificación puntual do PXOM para todo o concello que prohiba determinadas actividades, co que xa se poderían suspender licenzas desde a aprobación inicial”, concretou.
 
 
 

 

A viceportavoz popular asegurou que “nós esixiremos e estaremos moi vixiantes de que a Xunta cumpra escrupulosamente a normativa, como xa o fixo ata agora cumprindo e pechando o expediente da planta de xestión de residuos industriais logo de oito meses de espera a que o Concello emitira o informe de incompatibilidade urbanística”.
 
 
 


Neste sentido, lembrou que o Grupo Popular avoga porque se modifique a normativa de xeito que este tipo de instalacións de residuos garden unha distancia mínima cos núcleos de poboación.

Síguenos nas redes sociais