Utilizamos cookies para asegurar que damos a mellor experiencia a o usuario no noso sitio web. Si continúa utilizando este sitio asumiremos que está de acordo. Mais información Política de Cookies

Feijóo pide á militancia "alzar a voz" por España e por un partido que non se renderá

28 Feb 2016
Arteixo, 28 de febreiro de 2016.- O presidente dos populares galegos, Alberto Núñez Feijóo, instou á militancia a “alzar a voz” por España e polo Partido Popular, unha formación que, segundo afirmou, “non se vai dar por vencida e moito menos despois de gañar”. 

Con respecto a isto, apuntou que hai partidos que pese a “presumir de coherencia” deixan tras de si un largo regueiro de incoherencias. Con respecto a Pedro Sánchez lembrou frases súas como a de que “nunca pactarei co populismo” e “Albert Rivera é de dereitas”, pese a “rogarlle” agora a ambos que o “aúpen á Moncloa”.

No tocante a Rivera lembrou a súa afirmación de que “o PSOE terá que absterse para que goberne a lista máis votada”, aínda que agora lle pide ao PP, primeira forza, que sexa a que se abstén.

Así, segundo indicou, nas últimas semanas, estamos a ver, ademais da “falta de coherencia, falta de escrúpulos”, pois moitos pensábamos que PSOE e Podemos, e sobre todo Ciudadanos “se diferenciaban en moitas cousas, pero son o mesmo: a arrogancia e a ambición partidista”.

Ao fío do cal aseverou que os españois “non queremos máis enganos, non queremos teatros e non queremos imposicións, así que que digan dunha vez se o destino de España é malo cunhas novas eleccións ou é peor cun goberno de fracaso”.

ESPAÑA PRECISA AO PARTIDO POPULAR

Ao parecer do presidente, España precisa escoitar ao Partido Popular tanto “cuantitativamente” como “cualitativamente”. No primeiro caso por ser a primeira forza e, no segundo, porque “somos os únicos que podemos dar exemplo de prosperidade, da defensa da unidade e da coherencia que España precisa”.


Durante a súa intervención na laconada do PP de Arteixo, onde estivo acompañado polo alcalde da localidade -Carlos Calvelo- e por Diego Calvo,  Feijóo afirmou que hai “quen pretende agochar que no Partido Popular existen moitísimas persoas que nos dedicamos á política escoitando e pensando na xente con honestidade”. 

Por iso afirmou que, aínda que “é certo que o PP seguramente cometeu equivocacións a nivel interno” tamén o é “que suma os maiores acertos externamente e liderou o país nos peores momentos”, polo que invitou ao auditorio a “recuperar a súa autoestima e reafirmar os valores e os principios que representa o Partido Popular”.

Ao fío disto apuntou que “cada militante desilusionado é un erro que non podemos permitirnos, cada simpatizante desencatado é unha escusa para que Pedro Sánchez siga tomándose en serio chegar á Moncloa e que cada votante perdido é unha escusa para que os partidos minoritarios sigan pensando que teñen patente de corso”.

No tocante a Galicia, Feijóo afirmou que mentres os nacionalistas miran con envexa a Cataluña, os socialistas desean importar á nosa terra a parálise en España e os de Podemos “míranse o ombigo” no Partido Popular de Galicia “podemos reivindicar o noso partido e podemos reivindicar Galicia”.

Nas verbas do presidente “a economía crece, baixa o paro, sube a afiliación, suben as exportacións, sube a produción industrial, sube a venta en comercio, a confianza empresarial e dos consumidores, baixan os impostos e eliminamos o imposto de sucesións e doazóns” ao que engadiu que  “Galicia avanza porque escollimos o pacto adecuado: o pacto cos galegos e as galegas. Así seguirá e así seguiremos”.



Síguenos nas redes sociais