1, marzo, 2019.O presidente do PPdeG, Alberto Núñez Feijóo, asegurou que o voto ao Partido Popular "mereceu a pena" e foi "útil" para a nosa Comunidade na última década. Así se expresaba no acto de conmemoración da súa primeira vitoria electoral hai dez anos, unha data na que “os galegos decidiron abrir unha nova etapa en Galicia”.
Santiago, 28 de febreiro de 2019. A deputada popular Raquel Arias resaltou hoxe no Parlamento o incremento do peso da muller nas explotacións agrarias galegas e, en xeral, nas iniciativas empresariais impulsadas por mulleres no campo. Do mesmo xeito, Arias puxo en valor a “implicación do Goberno da Xunta na posta en marcha de medidas que favorecen a igualdade real de oportunidades das mulleres rurais, a súa visibilidade e a súa profesionalización”.  
Santiago, 28 de febreiro de 2019.- A viceportavoz do Grupo Popular, Paula Prado, acompañada do voceiro do Medio Rural, Moisés Rodríguez, reuniuse esta tarde con representantes dos veciños de Villestro e Figueiras e comprometeuse a trasladar á Consellería do Medio Rural a necesidade de rematar o proceso de concentración parcelaria que está en marcha nestas dúas parroquias composteláns.       Así mesmo, Paula Prado comunicou aos veciños que a Consellería está traballando nun proxecto de Lei de recuperación e posta en valor das zonas agrarias e forestais de Galicia, que permitirá potenciar os mecanismos de reestruturación parcelaria actualmente en marcha.       Pola súa banda, Moisés Blanco avanzou que o Grupo Popular apoiará hoxe a aprobación na  Comisión 7ª dunha proposición non de lei a través da que se insta á Xunta a que remate o proceso de concentración parcelaria do monte nas parroquias de Figueiras e Villestro, iniciado no ano 1991 e coas bases definitivas aprobadas desde 2009.     Blanco lembrou o compromiso do Goberno galego de rematar ao longo da presente lexislatura os 108 procesos de concentración parcelaria abertos, salientando os 20,5 millóns de euros que se contemplan nos orzamentos da Xunta para este ano…
Santiago, 28 de febreiro de 2019.- O Parlamento de Galicia aprobou hoxe solicitar á Xunta que poña en marcha os mecanismos necesarios para facilitarlle e simplificar aos operadores vitivinícolas a realización dos trámites administrativos.
Santiago, 27 de febreiro de 2019.- O Parlamento galego aprobou hoxe unha proposición non de lei do Grupo Popular a través da que se insta á Xunta a fomentar, en colaboración coas entidades locais, medidas e programas de conciliación e corresponsabilidade nos que se incorporen a perspectiva de xénero para fomentar a igualdade entre mulleres e homes.
Santiago, 27 de febreiro de 2019.- O Parlamento de Galicia aprobou hoxe a proposición non de lei, impulsada polo Grupo Popular, a través da que se demanda ao Goberno do Estado que articule as medidas necesarias para evitar que se materialice a decisión que ten comunicado á empresa Naturgy sobre o peche da central de Meirama.
Santiago, 27 de febreiro de 2019.- A viceportavoz do Grupo Popular, Paula Prado, lamentou que o BNG rexeitara hoxe a aprobación no Pleno dunha declaración institucional de apoio ás persoas que participen nos actos reivindicativos do vindeiro 8 de marzo e na defensa da igualdade plena entre mulleres e homes.
Santiago, 26 de febreiro de 2019.- A viceportavoz do Grupo Popular, Paula Prado, avogou hoxe porque o Parlamento Europeo, unha vez estudada a práctica desenvolvida nos estados membros, elabore un marco normativo homoxéneo en materia de xestación subrogada para toda a Unión Europea, que garanta o respecto da dignidade da muller e o interese superior dos menores, así como solventar a problemática da filiación dos menores concibidos baixo esta práctica en países alleos á Unión Europea.
Santiago, 26 de febreiro de 2019.- A deputada do Grupo Popular Julia Rodríguez Barreira demandou hoxe no Parlamento que a Xunta dote dos medios precisos para que o tempo de emisión dos informes das unidades de valoración integral de violencia de xénero do Instituto de Medicina Legal de Galicia (Imelga) sexan adecuados á actividade que se desenvolve, dotando dos profesionais que requira esta organización de xeito consensuado coa súa Dirección.

Síguenos nas redes sociais