Santiago, 4 de abril de 2017.- O portavoz de Educación do  Grupo Popular, César Fernández Gil, manifestou esta tarde no Parlamento que a Xunta pode achegar ao Pacto de Estado pola Educación “a súa experiencia en ámbitos claves como as novas tecnoloxías, o ensino plurilingüe, a formación profesional ou a mellora e adaptación do sistema universitario galego á realidade socioeconómica do territorio”.
Santiago, 4 de abril de 2017.- O Grupo Popular apoiou este martes no Pleno do Parlamento de Galicia unha moción que vai encamiñada a lograr acordos entre empresas e sindicatos para conseguir unha suba salarial dos traballadores galegos e reforzar as inspeccións para impedir a fraude nas contratacións a tempo parcial, así como para aumentar a vixilancia sobre os contratos de formación.
Santiago, 4 de abril de 2017.- O portavoz de Sanidade do Grupo Popular, Aurelio Núñez Centeno, rexeitou esta mañá no Parlamento a solicitude de En Marea de “reabrir os manicomios, nin con ese nome nin con ningún outro, porque a comunidade científica está en contra disto e porque as persoas afectadas de enfermidade mental merecen e deben estar integradas na sociedade”.
Madrid, 4 de abril de 2017.- O presidente da Comisión de Fomento, Celso Delgado, valorou positivamente que Galicia sexa a segunda comunidade con maior inversión per cápita e que recibirá o 11% sobre o total rexionalizado dos recursos totais nos Presupostos Xerais do Estado, “o cal supón preto do dobre do que nos corresponde por poboación”.
Santiago, 4 de abril 2017.- O secretario xeral do PPdeG, Miguel Tellado, valorou este martes os datos do desemprego relativos ao mes pasado, que achegan unha caída na cifra de desempregados de 21.741 persoas con respecto ao mesmo mes do ano anterior, o que supón un descenso interanual do 9,38%.
Santiago, 3 de abril de 2017.- O Grupo Popular defenderá no Pleno desta semana a creación de cemiterios que atendan a demanda de soterramentos das confesións minoritarias con maior arraigo en Galicia, especialmente musulmáns e xudeus; e a conmemoración do 30 aniversario do recoñecemento do Camiño de Santiago como 1º Itinerario Cultural Europeo. En concreto, estas dúas iniciativas “tratan do reforzamento tanto dun dos principios fundamentais da Constitución Española, como é o principio de liberdade relixiosa e de cooperación coas confesións relixiosas; como da contribución ao reforzamento da idea de Europa cunha forte raigame cultural”, afirmou o portavoz popular, Pedro Puy.
Santiago, 3 de abril de 2017.- O portavoz do Grupo Popular, Pedro Puy, manifestou hoxe, respecto dos orzamentos da Administración central para 2017, que “o importante é que Galicia teña as infraestruturas que precisa para poder competir no espazo español e europeo con igualdade de condicións” e apuntou que “os compromisos do Ministerio de Fomento apuntan a que a brecha que hai con respecto á alta velocidade vaise reducir e vai haber os esforzos de investimento necesarios para que esa infraestruturas estea operativa o antes posible”.
Valladolid, 1 de abril de 2017.- O presidente do PPdeG, Alberto Núñez Feijóo, asegurou esta mañá que se os cidadáns, elección tras elección, reafirman a súa confianza nos populares “é porque nos ven a mellor opción para facer unha España mellor para o presente e para o futuro”.

Síguenos nas redes sociais