Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Feijóo salienta que o PPdeG só depende dos veciños, ante un PSOE que depende do que digan as Mareas ou o BNG

17 May 2019

17, maio, 2019. O presidente do PPdeG, Alberto Núñez Feijóo, sinalou que, fronte ao PSOE que depende do que digan as Mareas de Podemos ou o BNG, “o Partido Popular só depende dos veciños”.

Tal e como sinalou, o contrato máis democrático que pode ter un partido político é render contas aos seus veciños “e non aos concelleiros ou partidos que apoian ao alcalde”. Por iso, apuntou que o PPdeG, ademais de só querer depender dos veciños, é a única alternativa aos gobernos socialistas, nacionalistas ou populistas.

 

Así, durante un percorrido polo recinto feiral FEXDEGA, remarcou que o PPdeG continúa traballando con ilusión para ser unha opción distinta aos gobernos das cidades galegas, e puxo como exemplo Vilagarcía. Neste senso, Feijóo salientou que o candidato do PPdeG, Alfonso Gallego, é “a alternativa sólida” aos gobernos socialistas e nacionalistas, xa que coñece Vilagarcía e traballa neste municipio.  

 

Feijóo destacou, tamén, o compromiso do Goberno galego con este concello, como a gran remodelación do Hospital do Salnés e o incremento dos seus servizos, que se duplicaron. Así mesmo, dixo que se está pendente da cesión dun solar para poder construír un centro de saúde.

Síguenos nas redes sociais