Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Feijóo avoga por unir as forzas para evitar que goberne unha combinación de socialistas, populistas e nacionalistas

21 Mar 2019

21, marzo, 2019. O presidente do PPdeG, Alberto Núñez Feijóo, avogou por unir as forzas para evitar que goberno unha combinación de socialistas, populistas e nacionalistas como o Executivo de Pedro Sánchez, que se ve favorecido, apuntou, cando se divide o voto.

Durante unha charla-coloquio en Mugardos, Feijóo salientou que ao PPdeG, tanto neste concello como en Galicia e en España, aválano os feitos e pode presentar, polo tanto, un balance. Así, dixo que é o único partido que ten “un proxecto propio, un equipo e un gran candidato”, e que se os galegos e os españois queren que goberne teñen que apostar polo PP e non por presuposicións.

 

O líder do PPdeG incidiu en que Pedro Sánchez quixo gobernar a toda costa, someténdose a Podemos, nacionalistas e independentistas e que o que pretende agora é prolongar un Goberno que non funcionou para España, incapaz de aportar solucións aos problemas dos españois e que foi tamén prexudicial para Galicia, xa que mentres nos orzamentos baixaban os investimentos un 30% para a nosa comunidade, noutras os subían un 60%. É por iso polo que fixo fincapé en que os galegos non lle van dar continuidade a un goberno cun presidente que o único que lle importa é el mesmo.

 

O QUE SE BUSCA NO PP SÓ ESTÁ NO PP

Así, Feijóo avogou por un goberno estable e un goberno que goberne, como o que hai en Galicia e destacou que a grandeza do PP nace das persoas que, coas súas propostas, fan que sexa un partido grande. Neste senso, asegurou que o que se busca no PP soamente está no PP: un partido de maiorías que goberna para todos, que defende e reivindica a Constitución e o Estatuto de Autonomía e que só se debe aos cidadáns para os que ten que gobernar. Sinalou que, á hora de ter que elixir entre Galicia ou España, os galegos elixen Galicia e España, mentres que o PSOE elixe o que lle mandan os nacionalistas.

 

Así, o líder do PPdeG destacou que o voto útil para Mugardos, Galicia e España está no PP, a única vía segura para que non goberne Pedro Sánchez. Para finalizar, remarcou que, fronte ao Goberno que fracasou de Pedro Sánchez, aos galegos iralles mellor cun goberno estable como o de Galicia que leva dez anos tendo a confianza da xente e contribuíndo ao progreso.

Síguenos nas redes sociais