Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

O Grupo Popular incide que para que a Xunta asumira a ponte de Catoira deberá estar en perfecto estado de conservación e mantemento

21 Feb 2019
Santiago, 21 de febreiro de 2019.- O portavoz de Infraestruturas do Grupo Popular, Martín Fernández Prado, incidiu hoxe no Parlamento que “a Xunta valorará a transferencia da titularidade da ponte de Catoira cando estea en perfecto estado e condicións óptimas logo dos traballos pendentes por parte das deputacións provinciais e A Coruña e Pontevedra”.
 
 

 

Martín Fernández indicou que “o primordial neste momento é que as actuais administracións titulares destas estradas e da ponte, que son as deputacións provinciais, realicen os traballos de conservación necesarios, dado que teñen recursos económicos suficientes para facelo”.
 
 


Na súa intervención, o portavoz popular lembrou que “xa o pasado 30 de outubro aprobamos neste Parlamento unha proposición non de lei á través da que se solicitaba ás deputacións provinciais de Pontevedra e A Coruña que acometesen as actuacións necesarias para garantir o bo estado da ponte de Catoira”, unha iniciativa que se sumaba á resolución aprobada no Debate sobre o Estado da Autonomía do pasado ano na que se instaba a todas as administracións públicas a manter o programa de inspección de pontes e outras obras de paso para o seu correcto mantemento.

Síguenos nas redes sociais