Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Feijóo di que Beatriz Mato fará posible “A Coruña imparable” que piden os coruñeses

29 Sep 2018

O presidente do PPdeG, Alberto Núñez Feijóo, dixo esta tarde que Beatriz Mato, de quen destacou o seu  ímpeto, forza de vontade, experiencia e ideas, “é a mellor candidata posible para que o concello da Coruña volva poñerse a andar”. Neste senso, salientou que son moitos os coruñeses que, ao ver a cidade parada, piden máis ca nunca que A Coruña “sexa imparable”: “Os coruñeses piden unha Coruña imparable e, por iso, presentamos a candidata que mellor pode garantilo”.

 

Neste senso, fixo fincapé na sorte de tela ao seu carón en cada un dos seus gobernos: “Foi unha conselleira disposta, enérxica e cunha capacidade pouco común: a de crecerse ante cada desafío que se lle poñía por diante”. “Entrou na Xunta –dixo- coa fama de ser unha política competente e sae dela convertida nunha xestora con experiencia, visión e capacidade”. O presidente do PPdeG sinalou que Beatriz Mato, durante a etapa como responsable da consellería de Traballo e Benestar, adquiriu tres calidades moi positivas e moi pouco comúns: aprendeu a capear as peores tempestades, a xestionar eficazmente nunhas circunstancias que ninguén desexaría e a sacar de debaixo das pedras apoio e comprensión para quen máis o necesitaba. “Como conselleira –engadiu- supliu as estreiteces da crise redobrando as súa capacidade de traballar, de escoitar e de resolver”. Do seu paso pola consellería de Medio Ambiente, destacou que foi quen de saldar unha débeda histórica de Galicia: a de dotala duns instrumentos urbanísticos e paisaxísticos modernos e eficaces: “O que durante décadas estivera no noso debe, Bea situouno no noso haber”.

 

Durante a súa intervención, Feijóo, que avogou por un proxecto de cidade que favoreza o crecemento económico e a creación de emprego e que devolva o orgullo de ser coruñés; dixo que o PPdeG ofrece “experiencia, traballo e capacidade de xestión” para acadar o crecemento e o benestar que a cidade necesita e a “vitalidade, dinamismo e ilusión” para poñer fin á parálise destes tres anos. O presidente dos populares galegos tamén tivo palabras para o “traballo exemplar” do grupo municipal popular e para a súa portavoz Rosa Gallego: “A súa labor de oposición foi e é imprescindible para deseñar o noso futuro programa de goberno”.

 

 

O COMPROMISO DO GOBERNO GALEGO

Apuntou que a Xunta de Galicia mantén a súa responsabilidade de facer unha Coruña mellor e o seu compromiso cos coruñeses. Un compromiso que, tal e como explicou, traduciuse nunha renovación total dos quirófanos do hospital da Coruña; na recuperación da Fábrica de Tabacos para poñela a disposición dos cidadáns como Cidade da Xustiza; na nova pasarela entre Marineda City e o polígono da Grela, que estará en marcha en cuestión de meses; ou no saneamento da ría do Burgo, co novo tanque de tormentas de Santa Cruz e a mellora dos bombeos no Temple e a Pasaxe.

 

Nesta mesma liña, o presidente do PPdeG salientou que o Goberno autonómico seguirá estando pendente das necesidades desta cidade. Así, recordou que A Coruña terá unha nova residencia de maiores, 40 novas vivendas públicas no Ofimático, a conexión da Vía Ártaba coa AP-9, un novo cento de saúde na zona da Falperra, mellores accesos ao polígono de Sabón, un edificio administrativo na antiga delegación de Sanidade e unha estación intermodal en canto o concello o permita.

 

Síguenos nas redes sociais