Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Paula Prado afirma que a dilixencia da Xunta para pechar o procedemento da planta de residuos de Teo deixa de novo en evidencia ao alcalde

21 Sep 2018
Santiago, 20 de setembro de 2018.- A viceportavoz do Grupo Popular, Paula Prado, amosou esta tarde a súa satisfacción pola decisión da Consellería de Medio Ambiente de pechar o procedemento de autorización ambiental integrado do proxecto dunha planta de residuos non perigosos na antiga canteira de Casalonga no concello de Teo. “De novo, o alcalde volve quedar en evidencia porque, fronte aos seus nove meses de espera para que o Concello emitira o informe negativo a esta planta, a Xunta emitiu en 16 días a súa resolución”, sinalou.
 

 

“Resulta intolerable a incompetencia amosada polo alcalde de Teo e o seu equipo de goberno municipal na tramitación desta solicitude, amosándose máis preocupado por buscar posibles votos entre os veciños a través de pseudo reunións-mitins que de solucionar o grave problema que suporía para este concello, e toda a área de Compostela, a instalación desta planta de residuos”, indicou Paula Prado.
 

 

 

Logo dunha reunión mantida coa directora xeral de Calidade Ambiental e Cambio Climático, Cruz Ferreira, a viceportavoz popular amosou “a preocupación polo novo intento da empresa Toysal para instalarse en Teo a través dun proxecto que xa entregou na Consellería de Industria”. “Este documento xa está en posesión do Concello e esperamos agora que tanto o alcalde da Marea como a súa concelleira socialista de Urbanismo atenda a sensibilidade que se espera do Goberno municipal por parte dos veciños e veciñas de Teo”, apuntou.
 
 

 

O ALCALDE DINAMITOU O CONSENSO
 
 

 

Nesa mesma reunión, o portavoz do Grupo Municipal do PP, José Manuel Guerra, criticou que o alcalde “dinamitara o consenso existente na corporación municipal entre todas formacións políticas para rexeitar a instalación da planta de residuos co único fin de conseguir máis votos nas vindeiras eleccións municipais, chegando incluso a pedir o voto aos veciños na última reunión que se celebrou para dar conta do traslado do informe de incompatibilidade urbanística á Xunta”.
 
 


Guerra lamentou, ademais, que “o alcalde lanzara duras críticas contra a Xunta nesa reunión cos veciños, cando a verdade é que o Goberno galego sempre actuou con lealdade institucional e ofrecendo colaboración ao Concello para a tramitación do expediente”.

Síguenos nas redes sociais