Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

O Grupo Popular salienta o “significativo avance” da etiquetaxe de produtos en galego

20 Sep 2018
Santiago, 20 de setembro de 2018.- A deputada do Grupo Popular Sandra Vázquez salientou hoxe no Parlamento “o significativo avance da etiquetaxe en galego” e puxo como exemplo o sector vitivinícola, no que “se pasou dunha ducia de marcas que empregaban a lingua galega nas súas botellas en 2003 a máis de 200 na actualidade”.
 

 

Sandra Vázquez lembrou que “a Xunta de Galicia vén expresando o seu apoio a todas as empresas que aposten polo emprego da lingua galega como garantía de calidade e de proximidade dos seus produtos”. Así mesmo, sinalou que o Estatuto Galego do Consumidor recoñece os diferentes dereitos do consumidor e do usuario e indica que se debe propiciar o emprego do galego no etiquetado dos bens, servizos e produtos que se ofrecen no mercado”.
 
 


A elección dun ou doutro idioma na etiquetaxe dos produtos “non é unha cuestión lingüística, senón de normativas que non teñen que ver coa lingua e si con cuestións de seguridade alimentaria e comercial”. “A Xunta está comprometida coa promoción da lingua galega no tecido socio-produtivo, pero desde o convencemento de que o galego é útil non desde a imposición nin o incumprimento da normativa”, indicou

Síguenos nas redes sociais