Utilizamos cookies para asegurar que damos la mejor experiencia al usuario en nuestro sitio web. Si continúa utilizando este sitio asumiremos que está de acuerdo. Más información Política de Cookies

Santiago, 11 de decembro de 2019.- O Parlamento galego aprobou hoxe por unanimidade unha proposición non de lei do Grupo Popular, transaccionada co Grupo Socialista, a través da que se solicita que a Xunta acorde co Concello de Cervantes as actuacións necesarias, particularmente a súa desafectación, para acometer a reconversión da antiga escola unitaria de Donís e convertela nun espazo de actividades especialmente dirixidas á xuventude e vinculadas á natureza, medio ambiente, patrimonio cultural, arqueolóxico e a actividades de lecer, tempo libre e turismo alternativo.
Santiago, 11 de decembro de 2019.- A portavoz de Enerxía do Grupo Popular, Marta Nóvoa, lamentou hoxe no Parlamento que “o Goberno socialista de Pedro Sánchez empeora día a día a situación de Alcoa” e sinalou que, de non aprobar o novo estatuto para as empresas electrointensivas, “a nova poxa de interrumpibilidade convocada para a metade de 2020 será a antesala do peche desta empresa”.
Santiago, 11 de decembro de 2019.- A Comisión 6ª do Parlamento galego aprobou esta mañá o ditame do proxecto de Lei de regulación do aproveitamento lúdico das augas termais de Galicia, co que este novo texto lexislativo queda pendente da súa aprobación definitiva polo Pleno.
Santiago, 10 de decembro de 2019.- A Comisión 3ª do Parlamento galego rematou esta tarde o debate das emendas ao proxecto de lei de orzamentos da Xunta de Galicia para 2020 e o proxecto de Lei de medidas fiscais e administrativas, co que ambos textos quedan pendentes do seu debate definitivo en Pleno a vindeira semana para a súa aprobación definitiva.
Santiago, 9 de decembro de 2019.- O portavoz do Grupo Popular, Pedro Puy, informou hoxe da presentación dunha proposición non de lei no Parlamento galego a través da que se demanda ao Goberno central o abono da débeda de 370 millóns de euros que aínda ten con Galicia pola mensualidade do IVE do ano 2017 e as compensación por ser unha comunidade cumpridora.
Santiago, 5 de decembro de 2019.- O portavoz do Grupo Popular, Pedro Puy, afirmou hoxe que “tres de cada catro emendas presentadas polos grupos da oposición ao articulado dos orzamentos da Xunta para 2020 son as mesmas emendas que xa rexeitamos outros anos”. Así mesmo, cualificou as demais emendas como “electoralistas, porque pintan uns gastos con ingresos que non se van a producir”.
Santiago, 4 de decembro de 2019.- A deputada do Grupo Popular Raquel Arias afirmou hoxe no Parlamento que “queremos que, si o século pasado foi o da emigración, o presente sexa o do retorno”.
Santiago, 4 de decembro de 2019.- O Parlamento galego aprobou hoxe unha proposición non de lei do Grupo Popular, co voto en contra do Grupo Común de Esquerdas e o BNG, así como a abstención de socialistas e Grupo Mixto, a través da que se demanda do Goberno central a convocatoria de novas poxas de enerxías renovables para permitir aumentar a potencia eólica instalada en Galicia e, en consecuencia, a produción de enerxías renovables na comunidade galega.
Santiago, 4 de decembro de 2019.- A deputada do Grupo Popular Encarna Amigo afirmou hoxe no Parlamento que no Sergas “trabállase cada día en políticas que permitan mellorar as listas de espera, priorizando sempre en función da gravidade, co firme compromiso de axilizar a asistencia e, por suposto, sempre tratando de dotar aos usuarios da capacidade de decisión”.